• 07.05.2020

Чекор по чекор: Како Google вработува најквалитетни работници?

По процесот на селекција од пишани биографии и првични интервјуа, останува моментот да го одберете најдобриот кандидат за позицијата. Но, како да бидете сигурни дека меѓу групата на кандидати кои останале после селекцијата, ќе го одберете најдобриот кандидат?

Стандардниот процес за повеќето компании се повеќе интервјуа, пред да се изврши конечното вработување. Тоа најчесто се случува, бидејќи повеќето индивидуи не се подготвени да спроведат квалитетно интервјуирање. Најчесто не се доволно добро тренирани, неискусни се и во најголема мера, се потпираат на својата интуиција. Постои општо прифатено психолошко гледиште дека регрутерите како и секоја друга индивидуа на планетава, своето мислење за кандидатот кој се наоѓа пред нив, го стекнуваат уште во првите неколку минути. Потоа, сѐ друго е само обид да се рационализира првичното мислење.

Наместо прашањата кои докажано не функционираат најдобро е да се заменат со методи кои докажано успешно прават предикција на посветеноста на кандидатите. Добро е на кандидатите да се задава работен примерок. Примерокот докажано предвидува иден успех на работното место со 29% поголема сигурност.

Издвојувањето на работен примерок, за некои работни места е полесно, а за други потешко, но и во двата случаи не постои причина зошто да не се испланира и задава примерок на кандидатите.

Уште еден исто така добар предиктор за иден успех на работно место се тестовите кои ги мерат когнитивните способности. Станува збор за тестови со конкретни точни или погрешни одговори, слични како оние кај тестовите кои мерат интелигенција. Поточно, тестовите кои мерат когнитивни способности можат да предвидат иден успех на работнотно место со 26% сигурност.

Трет добар метод за мерење се структурираните интервјуа. Добра практика е на сите кандидати да се поставуваат истите прашања за поголема конзистентност при интервјуирањето.

Постојат два такви типа на структуирани интервјуа: бихејвиорални и ситуациони. Бихејвиоралните во основа бараат од кандидатите да зборуваат за своите минати искуства, а вторите се концентрираат на хипотетски стиуации.

Токму вака се одвива процесот на селекција на „Google“, вклучувајќи ја и проверката на искуството.

„Целта ја постигнуваме според она што вели науката дека е најдобра практика при вработување – комбинираме биххејвиорални и ситуациони интервјуа и тестови“ – велат од компанијата.

Поточно, еве како изгледа, чекор по чекор, процесот на вработување во „Google“:

1. Биографиите се анализираат од искусен регрутер
2. Се врши телефонско интервју
3. Се врши интервју лице во лице
4. Се прави проверка на точноста на искажаните и напишаните информации
5. Комитетот за вработување дава предлог кандидати на постаро лице лидер.
6. Постарото лице лидер дава предлог кандидати на извршниот директор
7. Извршниот директор одлучува кој ќе биде вработен.