Menu
Close
Како да напишете одлично IT CV?
Технологијата денес игра важна улога на работното место, па од таа причина, сигурни сме дека побарувачката за технолошки професионалци, во скоро време, дефинитивно нема да се намали.
Како што не се намалува побарувачката на ваквиот кадар, така не се намалува и бројката на луѓе кои гледаат да изградат кариера на ова поле.
За таа цел, важно е да имате CV кое ќе ве одвои од толпата.
На вашето технолошко CV не е доволно само да ги имате наведено вашите технички способности, туку и да покажете колку ефикасно ги применувате на работното место, па и да ги наведете вашите меки вештини.
Креирајте CV кое ќе биде лесно за читање и кое ќе ги потенцира клучните информации кои најдобро е да ги прикажете по следнава структура:
- Одвојте простор за воведен ден кој ќе го привлече вниманието на регрутерите и ќе ги потенцира вашите способности и вештини. Пример, ако сте веб дизајнер, наведете ги вашите вештини за дизајнирање и објаснете како тие вештини ќе му помогнат на идниот работодавач да ги искористи на позитивен начин
- Во потточки одвојте ги главните вештини кои ги поседувате и обидете се истите да бидат што е можно пократки за да бидат лесни за читање
- Покрај техничките вештини, не заборавајте и на меките вештини кои ќе покажат како се однесувате во работната средина
- Добро е, доколку успеете, да вклучите и докази околу тоа колку навистина ги владеете вештините и способностите кои се бараат од вас