Menu
Close
Кратки совети за почетници: Зошто секогаш морате да имате пропратно писмо?
Дали треба да креирате пропратно писмо кога аплицирате за одредена работа? Во повеќето случаи, одговорот е да. Пропратното писмо може да направи голема разлика меѓу можноста да ве повикаат на интервју или да го игнорираат вашето CV.
Но, пред да почнете со пишување на пропратното писмо, потребно е да се запознаете со целта на ваквиот документ. Пропратното писмо е документ кој има за цел да понуди дополнителни информации околу вашите вештини и искуство.
Писмото треба да содржи детални информации околут тоа зошто токму вие сте квалификувани за работата за која аплицирате. Не треба само да се повторуваат информациите од резимето, туку да се вклучат и специфични информации околу тоа зошто токму вие би соодветствувале за работната позиција на работовачот.
Работодавците токму овие документи ги користат за дополнително да проверат дали одреден кандидат би соодветствал за позицијата, односно кои кандидати би сакале да ги интервјуираат.
Постојат три различни типови на пропратно писмо:
- Писмо кое се пишува за аплицирање на отворено и огласено работно место
- Писмо кое има за цел да се одредат можните позиции во одредена компанијата
- Писмо кое има за цел да побара помош и асистенција при потрага по работа
Што треба да вклучите во пропратното писмо?
Во писмото треба да вклучите неколку информации:
- За која позиција аплицирате
- Како сте откриле, односно од каде сте откриле за отворената работна позиција
- Зошто токму вие сте квалификувани за позицијата
- Што имате да му понудите на работодавачот и зошто сакате да станете дел од одредена компанија
- Благодарност за можноста вашето резиме да биде разгледано