• 06.05.2020

Што не треба да правите за време на интервју?

Што не треба да правите за време на интервју?

Ви претставуваме неколку чести грешки кои кандидатите ги прават за време на интервју:

• Се облекувате несоодветно

Од голема важност е да изгледате што е можно попрофесионално за време на интервјуирањето. Можете да вметнете малку „кежуал“ стил, но во секој случај треба да изгледате сериозно.

• Доцните

Во ниту еден случај не сакате да доцните на интервјуто. Со мали искучоци на сериозни случувања, доцнењето никогаш не остава добар впечаток пред лицето кое ве интервјуира.

• Носите пијалак со себе

Ви се пие кафе? Вода? Тоа најдобро е да го направите пред самото интервју или веднаш потоа, но не се препорачува да седнете на маса пред лице кое ве интервјуира со шише или термос во рака.

• Го употребувате телефонот за време на интервју

Најдобро е телефонот да го ставите на „Silent“ и да почекате да вратите на повиците по самото интервју.

• Не обрнувате внимание

На интервјуто дојдени сте да слушнете што има да каже лицето кое се наоѓа пред вас и да се претставите себеси во најдобро светло. Неспособноста внимателно да слушате во ниту еден случај не е позитивна карактеристика.

• Зборувате негативно за поранешните работодавачи

Сосема во ред е да кажете која е причината поради која сте решиле да напуштите одредена компанија, но не и да бидете премногу негативни и да „озборувате“.