Мени
Затвори
Каков тип на кариера најмногу Ви одговара?
Традиционалното планирање на кариерата каде индивидуите се вработуваат во компании и организации кои преземаат комплетна одговорност за можностите за раст и развор и кариерен напредок на индививудата полека, но сигурно се менува.
Со појавата на глобално организирање се појавија и неколку различни типови на кариерен пат.
Некои компании сè уште се држат до традиционалните погледи, но други компании земаат по слободен пристап во организирањето на човечките ресурси и планирањето на напредок во кариерата на секоја индивидуа.
Зошто треба да знаете кој тип на кариера најмногу одговара на вашата личност?
Начинот на кој пристапувате на вашиот кариерен развој, начинот на кој очекувате организацијата во која работите да ви овозможува кариерен развој зависи од типот на кариера кој го посакувате.
Затоа важно е да откриете кој тип на кариера најмногу одговара на вашиот карактер и вашите потреби.
Како можете да одредите кој тип на кариера одговара на вас?
Според Ребека Фрејзер можете да започнете водејќи се по неколку прашања кои ќе одредат кој тип најмногу одговара на вас:
Организациона кариера
- Дали преферирам некој да ми ја олесни работата и да одлучи за моите кариерни можности?
- Дали сакам стабилност и можност да останам во една компанија подолг период?
- Дали имам ограничена флексибилност и мобилност таму каде работам?
- Дали не сум заинтересиран/а за често патување и промена на мојата околина?
Менлива кариера
- Дали сакам сам/а да ја дефинирам насоката на мојот кариерен напредок и да ги одредувам чекорите кои ми требаат да го постигнам истиот?
- Дали сум заинтересиран/а да ја менувам првичната организација во која сум вработен/а?
- Дали сакам да бидам флексибилен/на и да ја менувам веќе постоечката средина?
- Дали сум подготвен/а често да патувам?
Кариера без граници
- Дали сакам сам/а да ја одредам насоката на мојата кариера?
- Дали сум доволно мотивиран/а да ги постигнам кариерните цели без разлика на тоа во која организација сум?
- Дали удобно можам да ги прифатам промените и да бидам мобилна и флексибилна личност?
- Дали сум ограничен/а од мојата локација?
- Дали сум подготвен/а често да патувам?
- Дали сум возбуден/а за можноста да откривам нови култури и животни стилови?